ესპანეთში ყინვებს მინიმუმ 4 ადამიანი ემსხვერპლა, ტემპერატურა -8 გრადუსამდე დაეცა 

ესპანეთის დედაქალაქ მადრიდში თოვლის საფარის სიმაღლე 50 სანტიმეტრია, ქვეყანაში გაწმენდითი სამუშაოები მიმდინარეობს, რათა დაზარალებული რეგიონები Covid 19-ის ვაქცინითა და საკვებით მომარაგდეს – ინფორმაციას BBC აქვეყნებს. გამოცემა წერს, რომ მინიმუმ ოთხი ადამიანი გარდაიცვალა, ათასობით მოგზაური კი გადაადგილებას ვერ ახერხებს. 

ღამის განმავლობაში, ესპანეთის ზოგიერთ ნაწილში ტემპერატურა -8C-მდე დაეცა, მეტეოროლოგების ცნობით, თოვლი სახიფათო ყინულად იქცეოდა. 

ესპანეთის მთავრობის თქმით, დამატებითი ზომები გატარდა, რათა კორონავირუსის 300,000 ვაქცინა რეგიონალურ ჯანდაცვის ორგანოებს მიეწოდოს, როგორც დაგეგმილი იყო. ​

ესპანეთის ადგილობრივი გამოცემა El Mundo წერს, რომ დედაქალაქში სატვირთო მანქანებით 3,500 ტონა მარილი შეიტანეს. 

მადრიდში თოვლის რეკორდულმა რაოდენობამ უპრეცენდენტო სცენები გამოიწვია: ხალხის ნაწილი ქალაქის ცენტრალურ ქუჩაზე თხილამურებით სრიალებდა, ზოგიერთი კი კორონავირუსის პრევენციისთვის დაწესებულ ზომებს არ ითვალისწინებდა და პირბადეების გარეშე თოვლში გუნდაობდა – წერს BBC. 

წყარო: bbc.com
წყარო: bbc.com
წყარო: bbc.com
Share on facebook
Share on twitter
Share on linkedin